Abituriyentlar uchun (maxsus qabul)

Muhim sanalar ro'yxati
1
5-Sentabr: maxsus qabul yakunlanadi
Imtihon uchun to'lovni hujjat topshirgan kunning ertasiga amalga oshiring. Hujjat topshirgan abituriyentlar soniga qarab, qabul muddatdan oldin tugashi mumkin.
※Hujjat topshirgandan keyin 24 soat davomida imtihon to'lovi qabul qilinadi.

2
29-avgustdan
8-sentabrgacha: imtihon davri
Japan Digital University'da 2022-2023 o'quv yili uchun so'nggi "Maxsus qabul" jarayonlarining imtihoni onlayn tartibda bo'lib o'tadi.
3
13-sentabr: imtihon natijalari
13-sentabr imtihon natijalari universitet saytida e'lon qilinadi.
4
15-sentabrdan
26-sentabrgacha: Universitetga kirish jarayoni
Imtihondan muvaffaqiyatli o'tgan abituriyentlar bilan shartnoma imzolanadi va abituriyentlar o'quv to'lovini amalga oshiradilar.
*Hujjat topshirishdan oldin, universitet shartlari bilan tanishib chiqing!
※ Joylar soni cheklangan!
2022/2023-o'quv yiliga qabul shartlari

Qabul kvalifikatsiyasi
1. 11 yillik maktab, litsey yoki kollej bitiruvchilari;
2. 2022-yil 1-oktabrga qadar yoshi 21 gacha bo'lganlar hamda 2023-yil 1-aprelga qadar yoshi 18 ga to'ladigan talabalargina ariza topshirishlari mumkin.
3. 2022/2023-o'quv yili 1 / 2/ 3/ 4/ 5/ 6-qabul imtihonidan o'tganlar ariza topshira olmaydilar.

※Abituriyentlardan universitetga kirish imtihonida qatnashish uchun yapon tilini bilish talab qilinmaydi.
※Japan Digital University'da rus guruhlar hali yo'lga qo'yilmagan.
※ 1/2/3/4/5/6-qabul imtihon jarayonlaridan o'ta olmagan abituriyentlar maxsus qabulga hujjat topshirishlari mumkin bo'ladi.
Imtihon haqida
Japan Digital University'da 2022-2023 o'quv yili uchun so'nggi "Maxsus qabul" jarayonlarining imtihoni onlayn tartibda bo'lib o'tadi. Bunda abituriyentlar faqatgina matematika fanidan onlayn tartibda imtihon topshiradilar. Abituriyentlar imtihon topshirish uchun maxsus taqdim etilgan ID orqali o'z shaxsiy kabinetlariga kirishi va belgilangan muddat ichida matematika testlarini yechishi kerak bo'ladi. Imtihon to'laqonli kompyuterda o'tkaziladi, savollar maxsus platforma orqali yechiladi.

Matematika imtihonini topshirgandan so'ng, abituriyentlar bilan maxsus onlayn suhbat bo'lib o'tadi. Suhbat abituriyentning maqsadlari, rejalari, salohiyati kabi mavzular bo'yicha bo'lib o'tadi.


Kirish imtihoni uchun to'lov

200 000 so'm
(Ushbu to'lov olinishining asosiy sababi, Japan Digital University'ga o'qishga kirmoqchi bo'lgan abituriyentlar matematika fani imtihonini maxsus platforma yordamida topshiradilar. Abituriyentlardan olingan imtihon uchun to'lov maxsus platformani moliyalashtirishda foydalaniladi.)

To'lov usuli:

Payme, Click

*To'lov qilish uchun ma'lumotlar ariza topshirilgandan so'ng SMS xabari orqali jo'natiladi.


To'lov muddati
Hujjat topshirgandan so'ng, 24 soat davomida imtihon uchun to'lovni amalga oshirishingiz so'raladi.
Agar 24 soat davomida to'lov amalga oshirilmasa, topshirilgan hujjatlar bekor qilinadi. Qolaversa, qabul kvotasi hujjat topshirgan abituriyentlarning soniga qarab istalgan payt yopilishi mumkin.

Yuzni aniqlash tizimi
"Yuzni aniqlash tizimi" dan onlayn imtihon uchun foydalaniladi.
※"Yuzni aniqlash tizimi" tasvirining misoli. Tizimdagi yozuvlar rus tilida aks etadi.

"Yuzni aniqlash tizimi" foydalanuvchi tomonidan oldindan taqdim etilgan shaxsiy rasmi bilan foydalanuvchining imtihon paytida shaxsiy moslamasining kamerasi orqali tasvirga olinadigan yuz tasvirini sun'iy intellekt yordamida o'xshashligini bevosita aniqlaydigan elektron tizimdir. Bu tizimdan onlayn imtihonda ishtirok etayotgan tabalaning aynan o'zi qatnashayotganligini tekshirish uchun foydalaniladi.
*Bu tizim orqali imtihonga kirayotgan shaxs elektron tizimdagi foydalanuvchi bilan haqiqatdan mos kelishi lozim.

●Sinov imtihoni boshlangan sanadan so'ng, avval yuz tasvirini aniqlash uchun ro'yxatdan o'tishingiz talab qilinadi

"Yuzni aniqlash tizimi" yordamida o'tkazilishi kerak bo'lgan testlar quyidagilardir:
-Matematika testi
Imtihon platformasini sinab ko'rish uchun
Bu galgi imtihon onlayn bo'lib o'tadi. Abituriyentlar faqat matematika fanidan maxsus platformaga kirgan holda imtihon topshirishlari kerak.

Abituriyentlar universitetga kirish uchun hujjat topshirgandan so'ng, ularga SMS orqali maxsus platformaga ID va parol yuboriladi. Abituriyentlar maxsus platformaga kirib yo'riqnoma bilan tanishib chiqishlari kerak.

Quyidagi URL ga kirib, ID va paroldan foydalaning.
*Bu ID va parol faqatgina imtihon topshirish platformasini tekshirib ko'rish uchun mo'ljallangan.
Imtihon topshirish uchun mo'ljallangan ID va parol esa, ro'yxatdan o'tib, kirish imtihoni uchun to'lov amalga oshirilgandan so'ng beriladi.

Imtihon topshirish uchun elektron ta'lim sayti:https://deli3.study.jp/rpv/?multi

ID: JDU-sample001
Parol: JDU-sample001
Qabul shartlari va eslatmalar❗️
・Biz Yaponiyada ishlashga tayyor bo'lgan va IT sohasida jamiyatning rivojlanishiga hissa qo'sha oladigan kadrlarni yetishtiramiz. Buning uchun maqsad sari intilib, katta rejalar qo'yib o'z ustida ishlab, bor kuchi bilan harakat qilishi, davomiy bilimlarni egallashi ko'zda tutilgan.

・Ushbu kirish imtihoni, Yaponiyadagi universitet kirish imtihonlariga qo'shiladigan mazmunlarni ham o'z ichiga oladi, shunga ko'ra maktabda o'rganilgan bilimlarning o'zi bilan to'liq ball ola olish uchun tuzilmagan. Ballar o'zaro baholash mezonida bo'lib, yuqori ball to'plaganlardan tanlanib olinadigan uslubda bo'ladi.

・Bu galgi qabulda abituriyentlardan faqatgina matematika fanidan imtihon topshirishlari so'raladi. Abituriyentlar onlayn tarzda maxsus platformaga kirib, o'zlari uchun tashkil qilingan kabinetda imtihon topshirishlari kerak bo'ladi. Matematika fani imtihon darajasi davlat test markazi standartiga mos qilib tuzilgan.

Kirish imtihoniga ariza topshirishda kerakli ma’lumotlar va topshiriladigan hujjatlar
Kirish imtihoniga ariza topshirishda kerakli ma’lumotlar
・F.I.Sh. (ingliz tilida);
・Manzil;
・Telefon raqam (SMS va Telegramda xabar boradigan telefon raqami);
・Elektron pochta manzili;
・Tug'ilgan sana (kun, oy, yil);
・Yosh;
・Oxirgi bitirgan ta'lim muassasasi haqida ma'lumot (ta'lim muassasasining nomi).
・Umumiy o'rta va o'rta maxsus ta'lim (maktab, kollej va litsey)ni bitirganlik guvohnomasi hamda baholar kiritilgan ilova;

Topshiriladigan hujjatlar
・Pasport nusxasi (yuz surati aks etgan sahifa);

・"JLPT" va "NAT test" sertifikati nusxasi (agar mavjud bo'lsa)

・(Grant xohlovchilar uchun) Fuqarolarning o'z-o'zini boshqarish organ (Mahalla)lar tomonidan beriladigan kam ta'minlanganlik to'g'risidagi ma'lumotnoma

Imtihondan muvaffaqqiyatli o'tgandan so'ng topshiriladigan hujjatlar
※Hujjat topshirish vaqtida kerak bo'lmasada, imtihondan muvaffaqqiyatli o'tgandan so'ng quyidagilarni topshirish kerak bo'ladi:

・Umumiy o'rta va o'rta maxsus ta'lim (maktab, kollej va litsey)ni bitirganlik guvohnomasi hamda baholar kiritilgan ilova;

・Tibbiy ma'lumotnoma («№086» shakl);

Qabul kvotasi va kvota bo'yicha to'lov
Qabul kvotasi
2022/2023-o'quv yili qabul.
※Imtihon natijalari kirish imtihonida ko'rsatilgan reyting asosida belgilanadi va quyidagi 4 xil kvota bo'yicha tasniflanadi.
*kvota haqida batavsilroq "O'qish to'lovi" sahifasini tekshiring.>O'qish to'lovi

Kvota bo'yicha to'lov
Yiliga kontrakt to'lovi 61 600 000 so'm
Ushbu summaning 12 600 000 so'mi odatiy to'lanadi. Qolgan 49 000 000 so'm, abituriyentni qanday imtihonni topshirishiga qarab to'lanadi.

Abituriyentlarning imtihonni qanday topshirishlariga qarab, ular 3 guruhga bo'linadi:

Grantlar guruhi : (Bu guruhda ta'lim to'lovi bo'lmaydi. Imtihon faqat kam ta'minlanganlar o'rtasida o'tkazilib, eng yuqori to'plaganlar saralab olinadi).

A kvota: Talabalar har yili 12 600 000 so'm miqdorida kontrakt to'lovini to'laydilar, qolgan 49 000 000 so'mni "JDU qarz tizimi" dan foydalana oladilar. "Cowork" daromadli amaliy mashg'ulot orqali yoki kelajakdagi daromadlaridan qaytarishlari evaziga Japan Digital University tomonidan beriladigan qarz tizimidan foydalana oladilar. Ishga joylashmaguncha to'lov muzlatilinadi.

B kvota: Bu yerda ham "A" guruhida bo'lgani kabi. Faqat birinchi yil siz hamkor-bank bo'lgan "Asia Aliance Bank"dan 49 000 000 so'mni to'lash uchun kredit olishingiz kerak bo'ladi. Bu hamkorlikdagi-bank bo'lgani uchun foizsiz kredit beradi.

Bundan tashqari universitetni Coworking dasturi bor. Coworkingda talabalar guruh bo'lib, universitet tomonidan beriladigan vazifalarni bajarib daromad olishadilar. Bu daromadning 60% kontrakt to'lovini to'lashga qaytariladi. Yaxshi ko'rsatkichlarni ko'rsatgan talaba o'qish oxirigacha to'lovni to'liq to'lab qo'yishi mumkin.


C kvota: "JDU qarz tizimi" amal qilmaydigan kvota, barcha o'qish to'lovini odatiy davrda to'lashi kerak bo'ladi.

Hurmatli ota-onalar va abituriyentlar! Universitet shartnoma summasi haqida yanada to'liq tushunchaga ega bo'lish uchun Japan Digital University'ning YouTube sahifasiga o'tishingizni so'rab qolamiz. YouTube sahifaga o'tish orqali siz, universitet rektori tomonidan maxsus shartnoma summalari haqidagi videoni ko'rib, o'zingiz uchun barcha kerakli savollarga javob topishingiz mumkin bo'ladi.

Universitet shartnoma summasi haqida batafsil

※Kvotalar bo'yicha tushuntirish bilan bataftsil tanishish uchun "O'qish to'lovi" sahifasiga qarang. Ta'lim to'lovi sahifasi
Yo'nalish va o'quv yillari
Fakultet va yo'nalishlar:
1) Muhandis-dasturchi yo'nalishi

(Ushbu yo'nalish orqali siz, Xalqaro darajadagi IT muhandis, Yaponiya IT bozorida raqobatbardosh kadr bo'lib chiqishingiz mumkin. IT muhandislik yo'nalishini tanlashining asosiy sababi Yaponiyada ayni paytda eng kerakli kasblardan sanaladi. Japan Digital University'ning asosiy maqsadi ham o'z talabalarini Yaponiyadek rivojlangan davlatda o'z o'rnini topa oladigan kadrlar qilib yetishtirib chiqishdan iborat.

O'qish muddati: eng kami 4.5 yil
O'quv yili oktabrdan boshlanadi. 6 oylik muddat 1 semestr sifatida yuritiladi. Bir yillik o'quv yili
semestrining davomiyligi quyidagicha bo'ladi:
1-semestr: oktabr-mart
2-semestr: aprel-sentabr

JDU'ning nizomi bilan tanishish: JDU nizomi
Ta'lim xizmatlarini ko'rsatish shartnomasi bilan tanishish: Haq evaziga ta'lim xizmatlarini ko'rsatish shartnomasi




Kirish imtihon natijalar

Made on
Tilda