2024/2025
Shoshiling! Joylar soni cheklangan!
Q'quv yili uchun qabul boshlandi!
JDU
Japan Digital University
Biz haqimizda
JDU yapon tili va IT muhandislik mahoratini mukammal oʻrganib Yaponiya hamda Oʻzbekiston universitetlari ilmiy darajasini qoʻlga kiritish imkoniyatini beradi.

Ushbu universitetni tamomlayotgan talabaga Yaponiyaning nufuzli kompaniyalarida ishga joylashish uchun tavsiya beriladi. Universitet bitiruvchilari tavsiya asosida Yaponiyada IT muhandisi sifatida yuqori daromadli ishda faoliyat yurita oladilar.
Kasbiy malakaga erishib oz mutaxassisligi yuzasidan oʻzlashtirgan bilim va tajribalarini Oʻzbekistonda ham tatbiq etish imkoniyatiga ega boʻladilar. Maʼlumki, IT muhandislariga boʻlgan talab juda yuqori.

Mamlakatimizda ham bunday mutaxassislarga ehtiyoj katta. Universitetda bilim olib, Yaponiyada tajriba oshirib Oʻzbekistonimiz rivojlanishiga oʻz hissangizni qoʻshish imkoniyatini qoʻldan boy bermang.
O'zbekiston kelajagi bo'lgan aziz talaba!

O'zbekiston hamda Yaponiya hukumat vakillarining sa'y-harakati mevasi o'laroq tashkil topgan yurtimizdagi ilk raqamli universitetga xush kelibsiz! Bu yerga nafaqat universitet , balki sifatli ta'lim olish uchun barcha imkoniyatlar yaratilgan, orzular ro'yobga chiqadigan maskan sifatida qarashingizni so'rayman.
Ushbu universitetning talabasi bo'ldingiz degani, siz global miqyosdagi mutaxassis bo'lib yetishish uchun birinchi qadamni qo'ydingiz demakdir. O'zbekiston kelajagi va rivoji uchun chet elda ta'lim olgan hamda o'sha yerdagi ish tajribasiga ega mutaxassislar juda ham zarur. Ma'lumki,Yaponiya raqamli texnologiyalar sohasida dunyodagi peshqadam davlatlardan biri hisoblanadi.So'nggi yillarda dunyoning ayrim davlatlarida kuzatilganidek,Yaponiyada ham aholining kamayishi muammosi dolzarb mavzuga aylanib qoldi. Chunki ishchi kuchining yetishmasligi mamlakat iqtisodiyotiga sezilarli ta'sir ko'rsatdi. Boshqa rivojlangan mamlakatlar singari Yaponiyada ham IT muhandislariga bo'lgan talab juda ham yuqori.Albatta, bunday mutaxassislarga
O'zbekistonning o'zida ham katta ehtiyoj mavjud. Shuning uchun JDU ning har bir bitiruvchisi kelgusida nafaqat yetuk mutaxassis bo'lishi,balki universitetni muvaffaqiyatli bitirgandan so'ng Yaponiyaning nufuzli korxonalarida ishlashi kafolatlangan. Keyinchalik esa u yerda olgan malaka va ko'nikmalar orqali O'zbekistonning rivojlanishiga munosib hissa qo'sha olish imkoniyati mavjud. Bu jarayonni muvaffaqiyatli amalga oshirish uchun, biz universitetda faqat nazariy bilim berish , balki yapon kompaniyalarining amaliy faoliyatlarida qatnashgan holda ta'lim olish imkoniyatlarini ham yo'lga qo'ydik
Ravshanbek Mamajonov
Japan Digital University rektori
Men shaxsan o'zim 10 yildan oshiq Yaponiyada yashadim. Hammangizga ma'lumki, Yaponiya ajoyib va o'ziga xos madaniyatli mamlakat hisoblanadi. U yerda muvaffaqiyatli faoliyat olib borish uchun sizdan maxsus malaka va ko'nikmalar talab qilinadi. Men o'zimning tajribamdan foydalangan holda, har biringizga o'z maqsadlaringizga erishishda yordam berishga tayyorman va ishonamanki, biz birgalikda ajoyib natijalarga erishamiz.
Galereya
Imkoniyatlar va Afzalliklar
JDU sizga quyidagilarni taqdim etadi
O'quv kampusida ta'lim olish
O'zbekiston va Yaponiya o'rtasidagi hamkorlik
Poytaxtimiz shahar markazida joylashgan har tamonlama qulayliklarga ega, zamonaviy o'quv binosida tahsil olish imkoniyati.
Ikki davlat o'rtasida professional hamda do'stona hamkorlikni o'rnatish, tajriba almashish va IT rivojiga hissa qo'shish.
Universitetda o'qish davrida ishlash imkoniyati (Coworking)
Ikkinchi kursning ikkinchi yarmidan boshlab masofaviy ravishda Yaponiya kompaniyalari tomonidan berilgan ishlarni bajarib, ushbu daromad bilan o'qish pulini to'lay olish imkoniyati.
"Double Degree" dasturi asosida 3ta diplomni qo'lga kiriting
Bitiruvchilarimiz bir vaqtning o'zida O'zbekistonda tan olinadigan JDU, O'zDJTU hamda Yaponiya universiteti diplomini qo'lga kiritishadi.
IT-yo'nalishida yetuk mutaxasis bo'lib yetishing
Kelajakda xalqaro miqyosda faoliyat yurita oladigan IT muhandis hamda grafik-dizayn yo'nalishlari bo'yicha mutaxassislarini yetishtirish.
Yuqori sifatli ta'lim
Yaponiya ta'lim tizimi dunyoa TOP 5 talikka kirgan Yaponiya universitetlarining yuqori sifatli ta'lim dasturi asosida ta'lim olish bilan birga yapon tilini o'qitish hamda qo'llab-quvvatlash tizimi
Universitetni muvaffaqiyatli tamomlagan talabalar Yaponiyada ishga joylashish imkoniyatiga ega bo'ladilar
Bundan ko'zlangan asosiy maqsad - Yurtimizning iqtidorli yoshlari Yaponiyada ishga joylashib rivojlangan davlat imkoniyatlarini o'rganib va yuqori maoshda ishlab, o'z mutaxasislik ko'nikmalarini qo'lga kiritgandan so'ng, O'zbekistonga qaytib davlatimiz kelajagi va ravnaqiga amaliy hissa qo'shishlariga ko'maklashish.
Qulay kontrakt to'lovi va Grantlar
O'qish xarajatlarining bir qismini o'qishni bitirgandan so'ng, Yaponiyada ishga joylashgandan keyingi daromaddan bo'lib to'lash mumkin bo'lgan reja tayyorlangan bo'lib, o'qish davrida to'lanadigan o'qish to'lov miqdori mahalliy universitetlar darajasida.
FAQs →
Yangiliklar
Blog
Universitetning tashkil topish tarixi
2019-yilning oxirlarida O'zbekiston Respublikasi Prezidenti Shavkat Mirziyoyev janobi oliylari Yaponiyaga tashrif buyurganida, loyiha sifatida shakllandi.
Bosh vazir o'rinbosari janob Sardor Umrzoqov tomonidan universitetga nom tanlab berildi.
Shundan so'ng, O'zbekiston Respublikasi Prezidentining PQ-4553 sonli qarorida universitetni tashkil qilish masalasi belgilandi.
Ochilish marosimida Yaponiyaning favqulodda va muxtor elchisi janob Fujiyama, JETROning O'zbekistondagi vakolatxonasi rahbari janob Takahashi hamda O'z.R. Investitsiyalar va tashqi savdo vazirligi vakillari qatnashishdi va tabrik so'z yo'llashdi.
Universitet O'zbekiston Respublikasi Vazirlar Mahkamasining 2020-yil 2-dekabrdagi "Toshkent shahrida Yaponiya raqamli universitetini tashkil etish to'g'risida"gi 762-sonli qarori asosida tashkil etildi.
6-dekabr 2021 yil-O'zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan litsenziya (№0044) taqdim etildi.
Bizni tavsiya qilishadi
Hatori Takashi janoblari
Yaponiyaning O'zbekistondagi favqulotda va muxtor elchisi
Men Hatori Takashi , Yaponiyaning O'zbekistondagi elchisiman. JDU talabalari yapon tili notiqlik san'ati tanlovi, IT bo'yicha tadbirlar hamda Model United Nations kabilarda o'zlarini namoyon qilib kelishmoqda.

Men shaxsan o'zim bu yil mart oyida o'tkazilgan O'zbekistondagi Yapon tili notiqlik san'ati tanlovida, JDU talabalarining yapon tilidagi ravon nutqlarini eshitdim va meni lol qoldirdi. Talabalarga tillar orasida murakkab deb sanaladigan yapon tili va mutaxassislik bo'yicha IT ko'nikmalarini egallash oson emas deb o'ylayman, qolaversa yarim yil ichida yapon tili N3 darajasini olishni maqsad qilish uchun anchagina harakat va mashaqqat qilish kerak deb hisoblayman. Barcha g'ayrat bilan ta'lim olayotgan talabalarga cheksiz hurmatdaman.
Kelgusida ham JDU dagi darslarni chuqur o'rganib, darslardan tashqari ham turli xil tadbirlarda faol ishtiork etib,universitetni tamomlagach, Yaponiyada ishga joylashib, kelajakda Yaponiyada orttirib kelgan tajribalari orqali O'zbeksiton rivojiga hissa qo'sha olishlarini tilab qolaman.

Qanchalk yapon tilini qanchalik zo'r bilangiz ham, birinchi marta Yaponiyada yashaydigan talabalarda har xil qiyinchiliklar bo'ladi.Chunki yaponlar uyatchan bo'lganliklari sababli, chet elliklar bilan birga yashab ketishga hali ko'nikishmagan.Lekin, sizdek odobli va jiddiy o'zbek talabalarini yaponiyalilar albatta o'z qarindoshidek his qilib qabul qilishlariga ishonchim komil.
Yaponiyaga borganingizda, ishlaringiz ko'ngildagidek bo'lmasa, tushkunlikka tushmang va yapon xalqi bilan suhbat qiling.

Yaponiya elchisi sifatida JDU Yaponiya-O'zbekiston munosabatlarini mustahkamlashga hissa qo'shadigan salohiyatli kadrlarni tayyorlab O'zbekistonda IT-ta'limni rivojlantirishga asos solish orqali Yaponiya-O'zbekiston munosabatlarini yanada mustahkamlashga hissa qo'shadi, deb umid qilaman.
Alisher Abidjanov
O'zbekiston davlat jahon tillari universitetining Xalqaro hamkorlik bo'yicha prorektori
O'zbekistonda Yaponiya Raqamli Universitetining tashkil etilishi munosabati bilan kirish so'zini yozish men uchun mamnuniyat va sharafdir. Tinchlik, taraqqiyot va farovonlik uchun oliy ma'lumotning ahamiyati haqida gap ketganda, biz turli tillarda gaplashsakda, maqsadlarimiz yagonadir. Barchamiz aynan bir sayyorada yashayotganimiz sababli dunyodan yakkalanib qolish uchun hech qanday yo'l yo'q. Haqiqatdan ham biz keng qamrovli xalqaro hamkorlik va insonlarning boshqa madaniyatlar, mamlakatlar va fikrlash tarziga ochiq bo'lishini istasak hamda dunyo xalqalari bilan aloqalarimizni mustahkamlashni xohlasak, ta'lim eng yaxshi vosita bo'ladi degan fikrdaman.

Yuqorida aytib o'tilgan g'oyalarga misol sifatida Yaponiya Raqamli Universitetini keltirish mumkin. Uni tashkil etish to'g'risidagi kelishuv O'zbekiston Prezidentining 2019-yilda Yaponiyaga rasmiy tashrifi doirasida amalga oshirildi. Mazkur ta'lim muassasasi mamlakatimiz yoshlariga jahon standartlariga mos darajada ta'lim olish, malakali mutaxassislar tayyorlash va soha bo'yicha yetuk kadrlarni yetishtirish, shuningdek global ta'limni rivojlantirishga o'z hissasini qo'shadi.

O'zbekistonda Yaponiya Raqamli Universitetining ochilishi munosabati bilan biz yosh avlodning buyuk kelajagiga olib boradigan yo'lni kutmoqdamiz va ko'rmoqdamiz.
Taiki Kimura
Yaponiya Ta'lim Fondi
Tokio aloqa universiteti ijrochi direktori
Yaponiya raqamli universiteti (JDU)ning tashkil etilgani bilan tabriklayman.

Tokio onlayn universiteti 2018-yilda internet orqali o'qiladigan mutlaqo yangi masofaviy universitet sifatida ochildi. Har Har safar 15 daqiqalik video-ma'ruzalar bo'lganligi sababli, o'qimoqchi bo'lgan talabalar, vaqt va joy haqida umuman qayg'urmasdan, o'zlari xohlagandek o'rganishlari mumkin bo'ladi. So'nggi yillarda chet elda yashaydigan talabalar soni ko'payib bormoqda va biz o'qishga bo'lgan ehtiyojlar butun dunyo bo'ylab umumiy ekanligini his qilmoqdamiz.

Bizning universitetimizda ikkita fakultet mavjud. Biri Axborot menejmenti fakulteti bo'lib, unda axborot texnologiyalari va menejment bo'yicha amaliy ko'nikmalarni egallab, axborot jamiyatining har bir sahnasida faol rol o'ynay oladigan mutaxassis bo'lib yetishish maqsad qilinadi. Ikkinchisi esa Inson farovonligi fakulteti bo'lib, unda tobora murakkablashib borayotgan tibbiyot va farovonlik sohalarida shaxs va jamiyatga oid muammolarga yechim beradigan keng qamrovdagi bilim va ko'nikmalar qo'lga kiritiladi. Shu bilan birgalikda, axborot texnologiyalaridan unumli foydalangan holda ijtimoiy muammolarni kashf etib, ularning yechimini topish uchun faol kirisha oladigan mutaxassislar yetishtirilmoqda.

Men bu safargi JDU loyihasiga nisbatan ishonch bilan qarayman va uning O'zbekiston hamda Yapnoniya oliy ta'limlari o'rtasidagi ko'priq vazifasini o'tashini chin dildan tilab qolaman.
Joylashuvi

Aloqa ma'lumotlarimiz

Iltimos, arizani to'ldirish orqali so'rov yuboring yoki biz bilan ko'rsatilgan telefon raqami orqali bog'laning. Biz sizning so'rovlaringizga javob berishdan va kerakli ma'lumotlarni taqdim etishdan mamnun bo'lamiz.
Uzbekistan, Tashkent, Alixon To'ra Sag'uniy ko'chasi, 49-uy
© JAPAN DIGITAL UNIVERSITY. Barcha huquqlar himoyalangan.
Fikr-mulohaza shakli
Ushbu shaklni yuborish orqali siz shaxsiy ma'lumotlarni qayta ishlanishiga rozilik bildirasiz.